مقداد السهيلي: نقابة بلاش مُنخرطين.. على شكون تدافع؟
تحدث الفنان مقداد السهيلي في برنامج نجوم اليوم السبت 19 جوان 2021 عن العمل النقابي، قائلا إن المسألة تتطلب تفرّغا ولها قانون وقواعد تضبطها.
تابع في هذا الإطار 'يا أهل الفن في تونس.. سأوضح مسألة اسمها نقابة، بكل ود وتقدير ومعزة ومحبة لأصحابي.. العمل النقابي مش ماخذة بالخاطر ونقابة الفنانين التونسيين الجديدة فيها أعز وأشهر الفنانين في تونس، على غرار صابر الرباعي وزياد غرسة ولطفي بوشناق ونبيهة كراولي.. باهي هوما قابلو قيس سعيّد وهشام مشيشي.. ومبعد؟ النقابة لازم تقدم مطالب..وكيفاش نقابة بلاش منخرطين؟ على شكون يدافعو؟'
وانتقد ضيف نجوم طريقة خطاب أعضاء النقابة قائلا ' العمل النقابي مش سيدي تاتا.. وعلى أعضاء النقابة القيام بتكوين في الغرض.. إلّي باش يتغشش من كلامي يتسمى مريض ويمشي يعدّي والوحيد الي عندو فكرة على العمل النقابي هو أسامة فرحات، ولطفي بوشناق يجهل العمل النقابي..'
واعتبر مقداد السهيلي أن أعضاء نقابة الفنانين الحالية 'لا يمثلون شيء قانونيا'، على حد تعبيره، متابعا ' الورطة في البلاد إنّو كل واحد راكب راسو، وقانونيا أعضاء النقابة الحاليين لا يمثلون شيء، وهم لم ينظموا مؤتمرهم التأسيسي..'
